ఒక్కగానొక్క కుమారుడిని కోల్పోయిన తల్లిదండ్రులు.. ఇంద్రపాలనగరంలో విషాదం.

యాదాద్రి భువనగిరి జిల్లా రామన్నపేట మండలం ఇంద్రపాలనగరంలో విషాదం చోటుచేసుకుంది. రోడ్డు ప్రమాదంలో తీవ్రంగా గాయపడిన బాణాల గోపాల్ కుమారుడు రోహిత్ (12) చికిత్స పొందుతూ మృతిచెందాడు.

గ్రామానికి చెందిన రోహిత్ బైక్‌పై రోడ్డుపైకి వెళ్లగా లారీ ఢీకొట్టినట్లు సమాచారం. ఈ ప్రమాదంలో తీవ్రంగా గాయపడిన బాలుడిని మెరుగైన వైద్యం కోసం హైదరాబాద్‌లోని ఓ ఆస్పత్రికి తరలించారు. అక్కడ చికిత్స పొందుతూ మృతిచెందినట్లు గ్రామస్థులు తెలిపారు.

ఒక్కగానొక్క కుమారుడు మృతిచెందడంతో తల్లిదండ్రులు కన్నీరుమున్నీరుగా విలపిస్తున్నారు. పదో తరగతి చదువుతున్న బాలుడు మృతిచెందడంతో కుటుంబ సభ్యులు, బంధువులు శోకసంద్రంలో మునిగిపోయారు. ఈ ఘటనతో ఇంద్రపాలనగరంలో విషాదఛాయలు అలుముకున్నాయి.