రామన్నపేట స్థానికం ప్రతినిధి

యాదాద్రి భువనగిరి జిల్లా రామన్నపేట మండలం వెల్లంకి గ్రామంలో ఇడెం స్వరూప స్మారక సేవా సంస్థ ఆధ్వర్యంలో నూతన సంవత్సర క్యాలెండర్ ఆవిష్కరణ కార్యక్రమం ఘనంగా జరిగింది. ఈ కార్యక్రమానికి బీఆర్ఎస్ పార్టీ జిల్లా నాయకుడు, మాజీ సర్పంచ్ ఎడ్ల మహేందర్ రెడ్డి ముఖ్య అతిథిగా హాజరై క్యాలెండర్‌ను ఆవిష్కరించారు.

ఈ సందర్భంగా ఆయన మాట్లాడుతూ, ఇడెం స్వరూప స్మారక సేవా సంస్థ సేవా కార్యక్రమాలు అభినందనీయమని, ఇలాంటి సంస్థలు సమాజానికి దిశానిర్దేశం చేస్తాయని పేర్కొన్నారు. నూతన సంవత్సరం అందరి జీవితాల్లో సుఖసంతోషాలు, అభివృద్ధిని తీసుకురావాలని ఆకాంక్షించారు.

ఈ కార్యక్రమంలో గ్రామ నూతన సర్పంచ్ ఇడెం రాధా శ్రీనివాస్, బీఆర్ఎస్ పార్టీ గ్రామ అధ్యక్షుడు పున్న వెంకటేశం, కార్యదర్శి పిట్ట మహేందర్ రెడ్డి, బీఆర్ఎస్ సీనియర్ నాయకుడు ఎడ్ల నరేందర్ రెడ్డి, ఇడెం స్వరూప స్మారక సేవా సంస్థ అధ్యక్షుడు ఇడెం శ్రీనివాస్‌తో పాటు పార్టీ కార్యకర్తలు, సన్నిహితులు, మిత్రులు, గ్రామ ప్రజలు పెద్ద సంఖ్యలో పాల్గొన్నారు.