యాదగిరిగుట్ట, అక్టోబర్‌ 7 స్థానికం ప్రతినిధి:
తెలంగాణ రికగ్నైజ్డ్‌ స్కూల్స్‌ మేనేజ్‌మెంట్స్‌ అసోసియేషన్‌ (ట్రస్మా) యాదాద్రి భువనగిరి జిల్లా అధ్యక్షుడు గొట్టిపర్తి భాస్కర్‌గౌడ్‌ ఆధ్వర్యంలో యాదగిరిగుట్టలోని ఎస్‌ఎల్‌ఎన్‌ఎస్‌ ఫంక్షన్‌ హాల్‌లో ప్రైవేట్‌ పాఠశాలల ఉపాధ్యాయులకు ‘ఆచార్య దేవోభవ–2026’ అవార్డుల ప్రదానోత్సవం బుధవారం నిర్వహించారు.
కార్యక్రమానికి ముఖ్య అతిథులుగా తెలంగాణ రాష్ట్ర ప్రభుత్వ విప్, ఆలేరు ఎమ్మెల్యే బీర్ల ఐలయ్య, ట్రస్మా రాష్ట్ర అధ్యక్షుడు సాధుల మధుసూదన్‌ హాజరయ్యారు. ఈ సందర్భంగా ఉత్తమ సేవలు అందించిన ఉపాధ్యాయులను శాలువాలతో సత్కరించి జ్ఞాపికలు అందజేశారు.
ఈ సందర్భంగా బీర్ల ఐలయ్య మాట్లాడుతూ ప్రైవేట్‌ పాఠశాలలు, ఉపాధ్యాయులు ఎదుర్కొంటున్న సమస్యల పరిష్కారానికి తన వంతు కృషి చేస్తానన్నారు. ప్రైవేట్‌ టీచర్ల రక్షణ చట్టం అమలుకు కృషి చేస్తానని తెలిపారు.
కార్యక్రమంలో ట్రస్మా రాష్ట్ర ప్రధాన కార్యదర్శి రమేష్‌రావు, రాష్ట్ర సలహాదారు కోమటిరెడ్డి గోపాల్‌రెడ్డి, జిల్లా గౌరవ అధ్యక్షుడు బండిరాజుల శంకర్, ప్రధాన కార్యదర్శి సయ్యద్, కోశాధికారి మరియన్న, మాజీ జిల్లా అధ్యక్షులు అచ్చయగౌడ్, దణాప్‌రెడ్డి, రాష్ట్ర నాయకులు రామిరెడ్డి, జిల్లా నాయకుడు ఉపేందర్‌రెడ్డి, వివిధ పాఠశాలల కరస్పాండెంట్లు, ఉపాధ్యాయులు తదితరులు పాల్గొన్నారు.
పాఠకుల అభిప్రాయాలు
ఇప్పటివరకు ఎలాంటి కామెంట్స్ పోస్ట్ చేయలేదు.
కామెంట్‌ను పోస్ట్ చేయండి