ఈ నెల 26న డెమో తరగతులు.. అర్హులైన అభ్యర్థులకు అవకాశం

మునగాల మండల కేంద్రంలోని తెలంగాణ మోడల్ స్కూల్‌లో కాలపరిమితి ప్రాతిపదికన పీజీటీ (సివిక్స్) అధ్యాపక పోస్టు భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు ప్రిన్సిపల్ కె. వీరబాబు శనివారం ఒక ప్రకటనలో తెలిపారు. ఎం.ఏ., బీఈడీ అర్హత కలిగిన అభ్యర్థులు ఈ నెల 26న ఉదయం 10 గంటలకు పాఠశాలలో డెమో తరగతులకు హాజరుకావాలని సూచించారు. ఎంపికైన వారు 9, 10వ తరగతులకు సోషల్‌, ఇంటర్మీడియట్‌కు సివిక్స్ బోధించాల్సి ఉంటుందని, పూర్తి వివరాలకు పాఠశాలలో సంప్రదించాలని పేర్కొన్నారు.