చిట్యాల స్థానికం ప్రతినిది ప్రశాంత్

వెంబవి గ్రామంలో స్వామి వివేకానంద 163వ జయంతి సందర్భంగా యువతకు క్రీడా సామగ్రి పంపిణీ కార్యక్రమాన్ని ఘనంగా నిర్వహించారు. ఈ సందర్భంగా గ్రామ యువతకు వాలీబాల్, క్రికెట్ సహా ఇతర ఆటలకు అవసరమైన క్రీడా సామగ్రిని అందజేశారు.ఈ కార్యక్రమంలో గ్రామ సర్పంచ్ గుణగంటి అలివేలు వెంకన్న గౌడ్, ఉప సర్పంచ్ శివ, గ్రామ సెక్రటరీ సరిత పాల్గొని యువతను ఉద్దేశించి మాట్లాడారు. స్వామి వివేకానంద యువతకు ఆదర్శమని, ఆయన బోధించిన విలువలు నేటి తరానికి ఎంతో ప్రేరణనిస్తాయని తెలిపారు. క్రీడల ద్వారా శారీరక దృఢత్వంతో పాటు మానసిక వికాసం సాధ్యమవుతుందని అన్నారు.ఈ కార్యక్రమంలో వార్డు సభ్యులు లింగయ్య, అలివేలు, ధనమ్మ, పానగరేక ప్రసాద్, వెంకన్న, దాసరి సుజాత పాల్గొన్నారు. అలాగే గ్రామ పెద్దలు ఎన్న నర్సిరెడ్డి, గుణగంటి బిక్షపతి, కొంపల్లి మల్లయ్య, ఉయ్యాల సత్తయ్య, గుణగంటి యాదయ్య, కొండే రాములు, పోనిగోటి శంకర్ రావు తదితరులు హాజరై కార్యక్రమాన్ని విజయవంతం చేశారు.గ్రామ యువత ఈ సందర్భంగా ఆనందం వ్యక్తం చేస్తూ ఇలాంటి కార్యక్రమాలు మరిన్ని నిర్వహించాలని గ్రామ పాలకులను కోరారు.