వరల్డ్ టీచర్స్ డే సందర్భంగా సోమవారం కోదాడ పట్టణానికి చెందిన సూక్ష్మ కళాకారుడు వేగ్గలం నరేష్‌చారి తన ప్రత్యేక ప్రతిభను చాటుకున్నారు. కేవలం అంగుళం పరిమాణం ఉన్న సుద్ద ముక్కపై కలం, పుస్తకాన్ని అతి సూక్ష్మంగా చెక్కి ఉపాధ్యాయుల పట్ల తనకున్న గౌరవాన్ని కళారూపంలో వ్యక్తం చేశారు.

నరేష్‌చారి గతంలోనూ బియ్యం, పప్పు గింజలు, చింతగింజలు, ఆకులు, పెన్సిల్‌ మొన వంటి సూక్ష్మ వస్తువులపై అనేక కళాఖండాలను చెక్కి పలువురి ప్రశంసలు అందుకున్నారు. అత్యంత చిన్న పరిమాణంలోనూ అద్భుతమైన ఆకృతులను రూపొందిస్తూ సూక్ష్మ కళలో తనకంటూ ప్రత్యేక గుర్తింపు తెచ్చుకుంటున్నారు. ఆయన ప్రతిభను పలువురు అభినందించారు.