హైదరాబాద్ స్థానికం ప్రధాన ప్రతినిధి

సావిత్రీబాయి ఫూలే నిరాడంబర జీవితం భావితరాలకు స్ఫూర్తిదాయకమని ప్రభుత్వ సిటీ కళాశాల తెలుగు విభాగాధిపతి డా. కోయి కోటేశ్వరరావు అన్నారు. అంబేద్కర్ ఓపెన్ యూనివర్సిటీలో మహిళా ఉపాధ్యాయుల దినోత్సవాన్ని పురస్కరించుకుని నిర్వహించిన కార్యక్రమంలో ఆయన ముఖ్య వక్తగా పాల్గొన్నారు. బాలికల విద్యకు మార్గదర్శకంగా నిలిచి, తొలి బాలికల పాఠశాల స్థాపనతో పాటు కుల వివక్ష, బాల్య వివాహాలపై పోరాటం చేసిన సావిత్రీబాయి సేవలు చిరస్మరణీయమన్నారు. మహిళా సాధికారతే సమాజ అభివృద్ధికి పునాది అని ఆయన స్పష్టం చేశారు.