సూర్యాపేట, స్థానికం ప్రతినిధి బిక్షం

తెలంగాణ రాష్ట్ర రోడ్డు రవాణా సంస్థ (టీఎస్‌ఆర్‌టీసీ) సూర్యాపేట డిపోకు నూతన డిపో మేనేజర్‌గా వి. సునీత నియమితులయ్యారు. సత్తుపల్లి డిపోలో విధులు నిర్వహించిన ఆమెను యాజమాన్యం బదిలీపై సూర్యాపేట డిపోకు పంపింది.

ఈ సందర్భంగా వి. సునీత  బుధవారం సూర్యాపేట ఆర్టీసీ డిపోలో అధికారికంగా రిపోర్ట్ చేశారు. ఆమె బాధ్యతలు స్వీకరించిన అనంతరం డిపోలోని అధికారులతో సమావేశం నిర్వహించి, సేవల మెరుగుదల, ప్రయాణికులకు మరింత సౌకర్యవంతమైన రవాణా అందించేందుకు కృషి చేయాలని సూచించారు.

ప్రయాణికుల భద్రత, సమయపాలన, పరిశుభ్రతతో పాటు ఆర్టీసీ ప్రతిష్ఠను మరింత పెంచే దిశగా పని చేస్తామని ఆమె తెలిపారు. నూతన డిపో మేనేజర్‌కు డిపో సిబ్బంది శుభాకాంక్షలు తెలిపారు.