నారాయణఖేడ్ నియోజకవర్గం పరిధిలోని నారాయణఖేడ్ మున్సిపల్ ప్రాంతంలో ఉన్న అంబేద్కర్ భవనంలో ప్రజాసంఘాల సమక్షంలో నాగల్గిద్ద మండలానికి చెందిన ఆవుత్‌పూర్ గ్రామ నివాసి, నేషనల్ హ్యూమన్ రైట్స్, సోషల్ జస్టిస్, సోషల్ సర్వీస్ ఫర్ చేంజ్ ఆఫ్ ఇండియా రాష్ట్ర వైస్ చైర్మన్ వై. పండరి జన్మదిన వేడుకలను ఘనంగా నిర్వహించారు.ఈ సందర్భంగా ప్రజాసంఘాల నాయకులు మరియు అంబేద్కర్ అభిమానులు కలిసి వై. పండరి గారితో కేక్ కట్ చేయించి, శాలువాతో సన్మానించి హృదయపూర్వక జన్మదిన శుభాకాంక్షలు తెలిపారు. సామాజిక సేవా కార్యక్రమాల్లో ఆయన చేస్తున్న సేవలను కొనియాడుతూ, భవిష్యత్తులో మరింత సేవ చేయాలని ఆకాంక్షించారు.ఈ కార్యక్రమంలో కెవిపిఎస్ జిల్లా ఉపాధ్యక్షులు కొఠారి నర్సింలు, మాల మహానాడు నారాయణ అధ్యక్షులు విశ్వనాథం, అంబేద్కర్ భవనం ఇన్‌చార్జ్ భీమ్సేనే, అంబేద్కర్ సంఘం నాయకులు అర్జున్, బీఎస్పీ తాలూకా ఇన్‌చార్జ్ పండరి నారాయణతో పాటు పలువురు అంబేద్కర్ అభిమానులు, వివిధ ప్రజాసంఘాల నాయకులు మరియు కార్యకర్తలు పాల్గొని కార్యక్రమాన్ని విజయవంతం చేశారు.