మునగాల మండలం రేపాల గ్రామంలోని గ్రామ వెలుగు నాట్యమండలి నూతన కార్యవర్గాన్ని మంగళవారం సభ్యులు ఏకగ్రీవంగా ఎన్నుకున్నారు. నాట్యమండలి అభివృద్ధి, కళాకారుల ప్రోత్సాహం, గ్రామంలో సాంస్కృతిక కార్యక్రమాలను మరింత విస్తృతంగా నిర్వహించడమే లక్ష్యంగా నూతన కార్యవర్గాన్ని ఏర్పాటు చేశారు.నూతన కార్యవర్గంలో అధ్యక్షుడిగా పొనుగోటి రంగా, ప్రధాన కార్యదర్శిగా గండు వీరయ్య ఎన్నికయ్యారు. గౌరవ అధ్యక్షుడిగా గవిని పెద్ద లక్ష్మీనరసింహం, ఉపాధ్యక్షుడిగా పల్లపు నాగరాజు, సహాయ కార్యదర్శిగా బెజవాడ శ్రీను, కోశాధికారిగా కుంటిగోర్ల చిన్న వెంకటేశ్వర్లు ఏకగ్రీవంగా ఎన్నికయ్యారు.

ఈ సందర్భంగా నూతన కార్యవర్గ సభ్యులు మాట్లాడుతూ..గ్రామ వెలుగు నాట్యమండలి ద్వారా కళా, సాంస్కృతిక కార్యక్రమాలను మరింత విస్తృతంగా నిర్వహించడంతో పాటు స్థానిక కళాకారులకు ప్రోత్సాహం అందిస్తామని తెలిపారు. నాట్యమండలి అభివృద్ధికి సభ్యులు, గ్రామస్థుల సహకారం అందించాలని కోరారు. నూతన కార్యవర్గానికి పలువురు సభ్యులు, గ్రామస్థులు అభినందనలు తెలిపారు.ఈ కార్యక్రమంలో కళాకారులు సర్పంచ్ మొగిలిచర్ల సత్యనారాయణ,కుంటి గొర్ల కృష్ణమూర్తి, సారిక లింగయ్య, దేవదాసు, శేఖర్, తోకల సైదులు ,రామ్ లాల్, గండు పరుశరాములు, సుధీర్, రమేష్ ,జితేందర్ ,రాజబాబు తదితరులు పాల్గొన్నారు.