తెలంగాణ స్టేట్ లెవెల్ సబ్‌జూనియర్ బాయ్స్ ఇంటర్ డిస్ట్రిక్ట్ షూటింగ్ బాల్ క్రీడా పోటీల సందర్భంగా రాష్ట్రంలోని 33 జిల్లాల నుంచి విచ్చేసిన క్రీడాకారులకు ఘనంగా జెర్సీలను అందజేశారు. క్రీడాకారులను ప్రోత్సహించే ఉద్దేశంతో నిర్వహించిన ఈ కార్యక్రమం ఉత్సాహభరిత వాతావరణంలో జరిగింది.

ఈ సందర్భంగా సర్పంచ్ గర్ధాస్ విక్రమ్ మాట్లాడుతూ యువత క్రీడల్లో రాణించి రాష్ట్రానికి, దేశానికి పేరు తీసుకురావాలని ఆకాంక్షించారు. గ్రామస్థాయి నుంచి రాష్ట్ర స్థాయి వరకు క్రీడలకు పూర్తి మద్దతు ఉంటుందని తెలిపారు.

కార్యక్రమంలో బార్ అసోసియేషన్ కార్యదర్శి ఐలయ్య, ఉపసర్పంచ్ నల్ల జయసుధ స్వామి, వార్డ్ మెంబర్లు వరికుప్పల స్వామి, గోళ్లేపల్లి యాదయ్య, నీరుడు వెంకటేష్, కంబాలపల్లి శ్రీశైలం, సింగణబోయిన మల్లయ్య, గడ్డం సాయి, పల్లపు రాహుల్, శేఖర్ తదితరులు పాల్గొన్నారు.