రాష్ట్ర స్థాయి జూనియర్ బాలికల కబడ్డీ పోటీల్లో పాల్గొనే సూర్యాపేట జిల్లా జట్టును ఈ నెల 7న ఎంపిక చేయనున్నట్లు జిల్లా కబడ్డీ అసోసియేషన్ అధ్యక్షుడు అల్లం ప్రభాకర్‌రెడ్డి, కార్యదర్శి నామా నరసింహారావు సోమవారం తెలిపారు.

కోదాడలోని ఎస్‌.వి. కళాశాల ప్రాంగణంలో అక్టోబర్‌ 7న మధ్యాహ్నం 3 గంటలకు ఎంపిక ప్రక్రియ నిర్వహించనున్నట్లు పేర్కొన్నారు. అశ్వారావుపేటలో అక్టోబర్‌ 10 నుంచి 12 వరకు జరగనున్న రాష్ట్ర స్థాయి పోటీలకు జిల్లా నుంచి ప్రతిభావంతులైన క్రీడాకారిణులను ఎంపిక చేయనున్నట్లు తెలిపారు.

ఎంపికలకు హాజరయ్యే క్రీడాకారిణులు తప్పనిసరిగా ఆధార్‌ కార్డు తీసుకురావాలని, 75 కిలోల లోపు బరువు ఉండాలని సూచించారు. ఆసక్తి ఉన్న బాలికలు నిర్ణీత సమయానికి హాజరై ఎంపికల్లో పాల్గొనాలని నిర్వాహకులు కోరారు.