సర్పంచ్‌కు వినతిపత్రం అందజేసిన రజక సంఘం నాయకులు.

వెలిమినేడు: రజక సంఘం భవనం ముందు సీసీ రోడ్డు నిర్మించి రాకపోకలకు ఇబ్బందులు లేకుండా చూడాలని కోరుతూ రజక సంఘం నాయకులు గ్రామ ప్రజాప్రతినిధులకు వినతిపత్రం అందజేశారు. చిట్యాల మండలం వెలిమినేడు గ్రామంలోని 9వ వార్డులో రజక సంఘం భవనం ఉంది. భవనం వద్ద రహదారి సౌకర్యం లేకపోవడంతో ఇబ్బందులు ఎదురవుతున్నాయని పేర్కొన్నారు.

రజక సంఘం అధ్యక్షుడు గోలి కిష్టయ్య ఆధ్వర్యంలో సుమారు 120 రజక కుటుంబాల సభ్యులు గ్రామ సర్పంచ్ బొంతల చంద్రారెడ్డి, ఉప సర్పంచ్ అంతటి స్వప్న సత్తయ్య, 9వ వార్డు సభ్యుడు మహంకాళి లింగస్వామికి వినతిపత్రం అందజేశారు. సంఘ భవనం ముందు సీసీ రోడ్డు నిర్మాణానికి చర్యలు తీసుకోవాలని కోరారు.

ఈ కార్యక్రమంలో రజక సంఘం కోశాధికారి గోలి మహేష్, కార్యవర్గ సభ్యుడు గోలి అంజయ్య, మాజీ ప్రధాన కార్యదర్శి గోలి అంజనేయులు, రజక సంఘం నాయకులు గోలి నరేష్, గోలి సాయికిరణ్ తదితరులు పాల్గొన్నారు.