ప్రభుత్వ జూనియర్ కళాశాల విద్యార్థి సందీప్‌కు మూడో బహుమతి

రామన్నపేట స్థానికం ప్రతినిధి

రామన్నపేట: ప్రభుత్వ జూనియర్ కళాశాల రామన్నపేటలో చదువుతున్న ఏ. సందీప్ రాష్ట్రస్థాయి హాకీ పోటీల్లో ప్రతిభ చాటి బహుమతి సాధించాడు. సరూర్‌నగర్, రంగారెడ్డి జిల్లాలో నిర్వహించిన 69వ అండర్–19 బాలుర రాష్ట్రస్థాయి హాకీ టోర్నమెంట్ 2025–26లో ఉమ్మడి నల్లగొండ జిల్లా తరఫున పాల్గొన్న సందీప్ మూడో బహుమతిని కైవసం చేసుకున్నాడు.ప్రస్తుతం కళాశాలలో సీఎస్ ద్వితీయ సంవత్సరం చదువుతున్న సందీప్ సాధించిన ఈ విజయంతో కళాశాల అధ్యాపక వర్గం హర్షం వ్యక్తం చేసింది. ఈ సందర్భంగా కళాశాల ప్రిన్సిపల్ జగదీష్ సందీప్‌ను అభినందిస్తూ, భవిష్యత్తులో మరిన్ని పతకాలు సాధించి కళాశాలకు మంచి పేరు తీసుకురావాలని ఆకాంక్షించారు.