ఆరు మండలాల విభజనతో అస్తవ్యస్తమైన అభివృద్ధి… రామన్నపేటకు పునరుజ్జీవం అవసరం

రామన్నపేట (స్థానికం ప్రతినిధి):

ఉమ్మడి ఆంధ్రప్రదేశ్‌లో ఒక వెలుగు వెలిగిన రామన్నపేట నియోజకవర్గాన్ని తక్షణమే పునఃస్థాపించాలని రామన్నపేట నియోజకవర్గ సాధన సమితి వర్కింగ్ ప్రెసిడెంట్ ఎస్.కె. చాంద్ డిమాండ్ చేశారు. ఈ మేరకు పత్రికా ప్రకటన విడుదల చేశారు.

గత 20 సంవత్సరాలుగా రామన్నపేట ప్రాంతం అభివృద్ధికి పూర్తిగా నోచుకోలేదని ఆవేదన వ్యక్తం చేశారు. అప్పట్లో రామన్నపేట నియోజకవర్గానికి చెందిన ఆరు మండలాలను వివిధ నియోజకవర్గాల్లో విలీనం చేయడం వల్ల ఈ ప్రాంతం రాజకీయంగా, పరిపాలనపరంగా తీవ్రంగా నష్టపోయిందన్నారు. నియోజకవర్గ కేంద్రంగా ఉన్న రామన్నపేటను నకిరేకల్ నియోజకవర్గంలో కలపడం వల్ల అభివృద్ధి పూర్తిగా అస్తవ్యస్తమైందని విమర్శించారు.

ప్రజల అవసరాలు, భౌగోళిక పరిస్థితులు, జనాభా పరంగా రామన్నపేటకు ప్రత్యేక నియోజకవర్గం అత్యవసరమని స్పష్టం చేశారు. తిరిగి రామన్నపేరామన్నపేటను తక్షణమే ప్రత్యేక నియోజకవర్గంగా ఏర్పాటు చేయాలి

– ఎస్.కె. చాంద్టను ప్రత్యేక నియోజకవర్గంగా ఏర్పాటు చేస్తేనే ఈ ప్రాంత ప్రజలకు న్యాయం జరుగుతుందని పేర్కొన్నారు.

రానున్న రోజుల్లో రామన్నపేట నియోజకవర్గ సాధన సమితి ఆధ్వర్యంలో పెద్ద ఎత్తున ఉద్యమాలు చేపట్టి, రామన్నపేట నియోజకవర్గాన్ని సాధించి తీరుతామని ఎస్.కె. చాంద్ స్పష్టం చేశారు. ప్రజలంతా ఈ ఉద్యమానికి మద్దతుగా నిలవాలని ఆయన పిలుపునిచ్చారు.