శ్రీ సత్యసాయి జిల్లా పోలీసు కార్యాలయంలో జిల్లా ఎస్పీ శ్రీ ఎస్. సతీష్ కుమార్, ఐపీఎస్ ని పుట్టపర్తి సబ్‌డివిజన్ నూతన డీఎస్పీ నిమ్మగడ్డ సత్యనారాయణ మర్యాదపూర్వకంగా కలిసి పూల బొక్కే అందజేశారు.

మంగళగిరిలోని పోలీసు ప్రధాన కార్యాలయం నుంచి బదిలీపై వచ్చిన నిమ్మగడ్డ సత్యనారాయణ గారు పుట్టపర్తి డీఎస్పీగా బాధ్యతలు స్వీకరించిన సందర్భంగా, పుట్టపర్తి సబ్‌డివిజన్ పరిధిలో శాంతిభద్రతల పరిరక్షణకు అత్యంత ప్రాధాన్యం ఇవ్వాలని జిల్లా ఎస్పీ సూచించారు.అసాంఘిక కార్యకలాపాలపై నిరంతర నిఘా ఉంచి వాటిని సమర్థవంతంగా అరికట్టేందుకు కఠిన చర్యలు తీసుకోవాలని, ప్రజలకు ఎల్లప్పుడూ అందుబాటులో ఉంటూ బాధ్యతాయుతమైన, పారదర్శకమైన పోలీసింగ్ అందించాలని ఎస్పీ గారు ఆదేశించారు. అలాగే చట్టవ్యతిరేక కార్యకలాపాల పట్ల ఎట్టి పరిస్థితుల్లోనూ రాజీ పడకుండా ప్రజల భద్రతే లక్ష్యంగా విధులు నిర్వహించాలని సూచించారు.