సూర్యాపేట జిల్లా స్థానికం ప్రతినిధి బిక్షం

సూర్యాపేట జిల్లా పిల్లలమర్రి 12వ వార్డులో మాజీ మంత్రి, సూర్యాపేట శాసనసభ్యులు గుంటకండ్ల జగదీష్ రెడ్డి తన హయాంలో చేపట్టిన అభివృద్ధి పనులతో రూపొందించిన క్యాలెండర్‌లను బిఆర్ఎస్ నాయకులు ఇంటింటికి పంపిణీ చేశారు. ఈ కార్యక్రమాన్ని సోలిపేట, పిల్లలమర్రి బిఆర్ఎస్ నాయకులు సంయుక్తంగా నిర్వహించారు. వార్డులో రోడ్లు, డ్రైనేజీ, తాగునీటి సరఫరా, విద్యుత్, పారిశుద్ధ్యం వంటి మౌలిక వసతుల అభివృద్ధికి జగదీష్ రెడ్డి చేసిన కృషిని ప్రజలకు గుర్తు చేయాలనే ఉద్దేశంతో ఈ క్యాలెండర్‌లను విడుదల చేసినట్లు నాయకులు తెలిపారు. ఈ సందర్భంగా వారు మాట్లాడుతూ, ప్రజల సంక్షేమమే లక్ష్యంగా జగదీష్ రెడ్డి నిరంతరం పనిచేశారని, పిల్లలమర్రి ప్రాంతం అభివృద్ధిలో ఆయన పాత్ర మరువలేనిదని పేర్కొన్నారు. భవిష్యత్తులోనూ బిఆర్ఎస్ పార్టీ ప్రజల పక్షాన నిలబడి పనిచేస్తుందని వారు ధీమా వ్యక్తం చేశారు. ఈ కార్యక్రమంలో బిఆర్ఎస్ వార్డు నాయకులు, కార్యకర్తలు, స్థానికులు పెద్ద సంఖ్యలో పాల్గొన్నారు.