పెద్దకాపర్తి: రామన్నపేట లయన్స్‌ క్లబ్‌ ఆధ్వర్యంలో పెద్దకాపర్తిలో ఉచిత మెగా రక్తదాన, హెల్త్‌ క్యాంప్‌ నిర్వహించారు. జిల్లా గవర్నర్‌ లయన్‌ కేవీ ప్రసాద్‌ శిబిరాన్ని ప్రారంభించారు. యశోద ఆస్పత్రి, మలక్‌పేట సౌజన్యంతో షుగర్‌, ఈసీజీ, 2డీ ఎకో, కంటి పరీక్షలు నిర్వహించి ఉచితంగా మందులు పంపిణీ చేశారు. వైద్యులు రవితేజ, రేవంత్‌, దుర్గశ్రీ, నీహారిక సేవలందించారు.

లయన్స్‌ క్లబ్‌ అధ్యక్షుడు డా. భాస్కర్‌రావు పనకంటి, కార్యదర్శి మహమ్మద్‌ ఉస్మాన్‌, కోశాధికారి నరేందర్‌రెడ్డి గంట్ల మాట్లాడుతూ అత్యవసర సమయాల్లో రక్తం అవసరమైన వారికి అండగా నిలిచేందుకు సేవా కార్యక్రమాలు కొనసాగిస్తామని తెలిపారు. ఐ డొనేషన్‌ కోఆర్డినేటర్‌ చంద్రశేఖర్‌, టెక్నీషియన్‌ జానీ ఆధ్వర్యంలో నేత్రదానంపై విద్యార్థులతో అవగాహన ర్యాలీ నిర్వహించారు.

కార్యక్రమంలో రీజినల్‌ చైర్‌పర్సన్‌ సంజీవరెడ్డి సిరిగిరెడ్డి, లయన్‌ యాదమ్మ, చార్టర్‌ ప్రెసిడెంట్‌ కృష్ణారెడ్డి యపాల, మర్రి గోపాల్‌రెడ్డి, గుత్తా నర్సిరెడ్డి, కాకులరపు బొర్రారెడ్డి, సర్పంచ్‌ కాటం వెంకటేశం, మాజీ సర్పంచ్‌లు కందిమళ్ల శిశుపాల్‌రెడ్డి, మర్రి జలందర్‌రెడ్డి, ఓర్సు సైదులు తదితరులు పాల్గొన్నారు.