: పత్తి రైతులకు సాధికారత కల్పిస్తూ పత్తి విలువ శ్రేణిని బలోపేతం చేసేందుకు సంస్కరణలు చేపడుతున్నట్లు కేంద్ర జౌళి శాఖ తెలిపింది. సంస్కరణల ఉత్సవ్‌–2026లో భాగంగా భారత పత్తి సంస్థ (సీసీఐ) ఆధ్వర్యంలో అక్టోబర్‌ 6న హైదరాబాద్‌లో ప్రత్యేక ప్రదర్శన నిర్వహించనున్నారు. పత్తి కొనుగోళ్లలో డిజిటలీకరణ, నాణ్యతా ప్రమాణాల పెంపు, ట్రేసబిలిటీ, రైతులకు నేరుగా చెల్లింపులు వంటి అంశాలను ఇందులో ప్రదర్శించనున్నారు.

డిజిటల్‌ విధానానికి ప్రాధాన్యం

రైతుల నమోదు, స్లాట్‌ బుకింగ్‌, పత్తి సేకరణ, ఆధార్‌ ఆధారిత చెల్లింపులను ఒకే వేదికపైకి తీసుకొచ్చిన ‘కపాస్‌ కిసాన్‌’ డిజిటల్‌ ప్లాట్‌ఫామ్‌ను ప్రదర్శించనున్నారు. దీనివల్ల కొనుగోలు ప్రక్రియలో పారదర్శకత పెరగడంతో పాటు రైతులకు సులభతరం కానుంది.పత్తి నాణ్యతను పెంచేందుకు కలుషితాల నియంత్రణ, డిజిటల్‌ ట్రేసబిలిటీ, ‘కస్తూరి కాటన్‌ భారత్‌’ కార్యక్రమాలపై అవగాహన కల్పించనున్నారు. అలాగే హై డెన్సిటీ ప్లాంటింగ్‌ సిస్టమ్‌ (హెచ్‌డీపీఎస్‌) ద్వారా ఉత్పాదకత పెంపు, రైతుల ఆదాయాన్ని మెరుగుపరిచే చర్యలపై చర్చించనున్నారు.

కార్యక్రమంలో కేంద్ర, రాష్ట్ర ప్రభుత్వాల అధికారులు, రైతులు, పారిశ్రామిక ప్రతినిధులు, పత్తి–జౌళి రంగ భాగస్వాములు పాల్గొని సంస్కరణల ఫలితాలు, అనుభవాలను పంచుకోనున్నారు. రైతులకు మరింత పారదర్శక సేవలు