ప్రభుత్వ కార్యక్రమాల పేరుతో మంత్రులు హెలికాప్టర్లలో పర్యటిస్తూ ప్రజాధనాన్ని వృథా చేస్తున్నారని మాజీ ఎమ్మెల్యే మల్లయ్య విమర్శించారు. మునగాలలో ఆయన మంగళవారం మీడియా తో మాట్లాడుతూ.. ప్రభుత్వ ఉద్యోగులు, సిబ్బందికి సకాలంలో జీతాలు చెల్లించలేని పరిస్థితి ఉండగా, కాంట్రాక్టర్లకు బిల్లులు పెండింగ్‌లో పెట్టి మరోవైపు హెలికాప్టర్‌ ప్రయాణాలకు భారీగా ప్రజాధనాన్ని ఖర్చు చేయడం ఎంతవరకు సమంజసమని ప్రశ్నించారు.

చిన్నచిన్న ప్రభుత్వ కార్యక్రమాలకు సైతం హెలికాప్టర్లను వినియోగిస్తూ ఆర్భాటాలకు ప్రాధాన్యత ఇస్తున్నారని ఆయన ఆరోపించారు. కిచెన్‌ షెడ్‌ ప్రారంభోత్సవం వంటి స్థానిక కార్యక్రమానికి హెలికాప్టర్‌లో రావాల్సిన అవసరం ఏముందని ప్రశ్నించారు. ప్రజల పన్నుల రూపంలో సమకూరే నిధులను అభివృద్ధి, సంక్షేమ కార్యక్రమాలకు వినియోగించాల్సిన ప్రభుత్వం అనవసర ఖర్చులను తగ్గించాలని సూచించారు.