చిలుకూరు మండలం ఆర్లెగూడెం గ్రామంలో రూ.20 లక్షల MGNREGS నిధులతో నిర్మించిన నూతన గ్రామపంచాయతీ భవనాన్ని సోమవారం కోదాడ ఎమ్మెల్యే పద్మావతి రెడ్డి ప్రారంభించారు. ఈ సందర్భంగా ఎమ్మెల్యే నూతన భవనాన్ని పరిశీలించి, పంచాయతీ కార్యాలయంలో అందుబాటులో ఉన్న సౌకర్యాలను అడిగి తెలుసుకున్నారు.

ఎమ్మెల్యే మాట్లాడుతూ.. గ్రామాల అభివృద్ధికి ప్రభుత్వం చేపడుతున్న కార్యక్రమాలను ప్రజలు సద్వినియోగం చేసుకోవాలని సూచించారు. నూతన పంచాయతీ భవనం అందుబాటులోకి రావడంతో గ్రామపంచాయతీ పరిపాలన మరింత సౌకర్యవంతంగా సాగడంతో పాటు, వివిధ ప్రభుత్వ సేవల కోసం వచ్చే ప్రజలకు ఇబ్బందులు తగ్గుతాయని తెలిపారు.

గ్రామంలో అవసరమైన మౌలిక వసతుల కల్పనకు ప్రాధాన్యం ఇస్తామని, ప్రజల సమస్యలను ఎప్పటికప్పుడు పరిష్కరించేందుకు కృషి చేస్తామని పేర్కొన్నారు. ఈ

కార్యక్రమంలో సంబంధిత శాఖల అధికారులు, స్థానిక ప్రజాప్రతినిధులు, కాంగ్రెస్ నాయకులు, కార్యకర్తలు, గ్రామ పెద్దలు, గ్రామస్తులు తదితరులు పాల్గొన్నారు.