రామన్నపేట పోలీస్ స్టేషన్ నూతన సర్కిల్ ఇన్‌స్పెక్టర్‌గా బాధ్యతలు స్వీకరించిన మోలుగురి రవిని జిల్లా ఎమ్మార్పీఎస్ (MRPS), ఎంఎస్పీఎస్ (MSPS) నాయకులు శనివారం మర్యాదపూర్వకంగా కలిసి శుభాకాంక్షలు తెలిపారు.

ఈ సందర్భంగా సీఐ మోలుగురి రవికి శాలువా కప్పి, పుష్పగుచ్ఛం అందజేసి సన్మానించారు. రామన్నపేట మండలంలో శాంతిభద్రతల పరిరక్షణతో పాటు ప్రజలకు మరింత చేరువగా ఉంటూ సమస్యల పరిష్కారానికి పోలీసు శాఖ కృషి చేయాలని నాయకులు ఆకాంక్షించారు.

సీఐ మోలుగురి రవి ప్రజల సహకారంతో నేరాల నియంత్రణ, శాంతిభద్రతల పరిరక్షణకు ప్రాధాన్యం ఇస్తామని పేర్కొన్నట్లు నాయకులు తెలిపారు.కార్యక్రమంలో ఎమ్మార్పీఎస్, ఎంఎస్పీఎస్ నాయకులు మేడి శంకర్ మాదిగ, బక్రం శ్రీనివాస్ మాదిగ, ఎరసాని గోపాల్ మాదిగ, కుర్రం లింగయ్య మాదిగ, కొప్పులు చిరంజీవి మాదిగ, మందడి శశిధర్ రెడ్డి తదితరులు పాల్గొన్నారు.