ప్రదేశ్ కాంగ్రెస్ కమిటీ అధ్యక్షులు బొమ్మ మహేష్ కుమార్ గౌడ్, రాష్ట్ర వైద్య, ఆరోగ్య శాఖ మంత్రి దామోదర్ రాజనర్సింహ సూచనల మేరకు ఆందోల్ నియోజకవర్గంలోని అన్ని మండలాలు, ఆందోల్–జోగిపేట పట్టణ కాంగ్రెస్ పార్టీకి నూతన అధ్యక్షులను నియమిస్తూ ఉత్తర్వులు జారీ చేశారు.ఆందోల్ మండల అధ్యక్షుడిగా గంగాధర్ అశోక్, మునిపల్లి మండల అధ్యక్షుడిగా లింగన్న సతీష్ కుమార్, చౌటకూరు మండల అధ్యక్షుడిగా బోడపట్ల గణేష్, పుల్కల్ మండల అధ్యక్షుడిగా మల్లన్న దుర్గారెడ్డి, రాయకోడు మండల అధ్యక్షుడిగా పట్లోళ్ల కేదారినాథ్, వట్పల్లి మండల అధ్యక్షుడిగా వజినాల విశ్వాస్, ఆందోల్–జోగిపేట టౌన్ అధ్యక్షుడిగా డి.జి. వెంకటేశం, రేగోడు మండల అధ్యక్షుడిగా ఎస్. దిగంబర రావు, అల్లాదుర్గ్ మండల అధ్యక్షుడిగా కొప్పుల శేషారెడ్డి, టేక్మాల్ మండల అధ్యక్షుడిగా పట్లోళ్ల విష్ణువర్ధన్ రెడ్డిని నియమించారు.నూతనంగా నియమితులైన మండల, టౌన్ అధ్యక్షులు సంగారెడ్డిలోని మంత్రి దామోదర్ రాజనర్సింహ నివాసంలో ఆయనను మర్యాదపూర్వకంగా కలిశారు. ఈ సందర్భంగా మంత్రి వారికి నియామక పత్రాలను అందజేసి అభినందించారు. అనంతరం ఆందోల్ నియోజకవర్గంలో కాంగ్రెస్ పార్టీని క్షేత్రస్థాయి నుంచి మరింత బలోపేతం చేయడం, పార్టీ కార్యక్రమాలను ప్రజల్లోకి విస్తృతంగా తీసుకెళ్లడం, ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలను ప్రజలకు వివరించడం వంటి అంశాలపై చర్చించారు. నూతన అధ్యక్షులు పార్టీ బలోపేతానికి కృషి చేస్తామని తెలిపారు.