నిస్వార్థ సేవకు ప్రతీకగా ‘మన పెంటన్న’

స్థానికం ప్రధాన ప్రతినిధి

పదవి కోసం కాదు… ప్రచారం కోసం కాదు… సేవే లక్ష్యంగా నిస్వార్థంగా పనిచేస్తున్న కార్యకర్తగా ‘మన పెంటన్న’ ఉపాధ్యాయ లోకానికి సుపరిచితుడు.స్వార్థం లేకుండా, శ్రమకు లెక్క పెట్టకుండా, సమాజమే తన కుటుంబంగా భావిస్తూ సంఘం కోసం అహర్నిశలు శ్రమించే జీవితం ఆయనది.నిశ్శబ్దంగా పనిచేస్తూ దేశభక్తిని కార్యరూపంలో చూపించిన నిస్వార్థ సేవకుడిగా ఆయన ప్రయాణం అనేకమందికి స్ఫూర్తిగా నిలిచింది. పేరు ప్రతిష్ఠలకన్నా ఉపాధ్యాయుల సమస్యల పరిష్కారమే ధ్యేయంగా, తనకంటే సమాజం ముఖ్యమనే భావనతో ఆయన ముందుకు సాగారు.చిన్న వయసులోనే జాతీయ భావజాలంపై ప్రభావితుడై అనేక ఉద్యమాల్లో పాల్గొన్న ఆయన, విద్యార్థి పరిషత్‌లో వివిధ బాధ్యతలు నిర్వహిస్తూ నాయకత్వ లక్షణాలను చాటుకున్నారు. ఆ తరువాత ఉపాధ్యాయ సంఘంలోనూ అనేక బాధ్యతలను సమర్థంగా నిర్వహించారు. సంఘం అప్పగించిన ప్రతి పనిని బాధ్యతగా స్వీకరించి, పూర్తయ్యే వరకు విశ్రాంతి లేకుండా శ్రమించడమే ఆయన ప్రత్యేకత.

ఉపాధ్యాయుల సమస్యలపై ఎప్పటికప్పుడు పోరాటం చేస్తూ, రాష్ట్రవ్యాప్తంగా ఉద్యమాలకు నాయకత్వం వహించిన ఆయన,అంచెలంచెలుగా ఎదిగి ప్రస్తుతం తెలంగాణ ప్రాంత ఉపాధ్యాయుల సంఘం రాష్ట్ర ప్రధాన కార్యదర్శిగా ఎన్నిక కావడం ఆయన నిస్వార్థ సేవకు దక్కిన గుర్తింపుగా చెప్పుకోవచ్చు.