నారాయణఖేడ్: జాతీయ సైన్స్ దినోత్సవం సందర్భంగా నారాయణఖేడ్ తెలంగాణ మైనార్టీ రెసిడెన్షియల్ జూనియర్ కళాశాల (బాలికల–1)లో వేడుకలను ఘనంగా నిర్వహించారు. ఆర్‌.ఎల్‌.సి (RLC) బహుమతి మేడమ్ కళాశాలను సందర్శించి ప్రిన్సిపాల్ డి. మంజులతో కలిసి సర్ సి.వి. రామన్ చిత్రపటానికి పూలమాల వేసి నివాళులర్పించారు. అనంతరం సైన్స్ అధ్యాపకులను శాలువాలతో సన్మానించారు.ఈ సందర్భంగా బహుమతి మేడమ్ మాట్లాడుతూ సైన్స్ మన దైనందిన జీవితంలో కీలక పాత్ర పోషిస్తుందని, ప్రతి విద్యార్థి శాస్త్రీయ దృక్పథాన్ని అలవర్చుకోవాలని సూచించారు. ఉదయం నిర్వహించిన అసెంబ్లీలో ఉపాధ్యాయులు, విద్యార్థులు సైన్స్ దినోత్సవ ప్రాముఖ్యతపై ప్రసంగించారు. కార్యక్రమంలో కళాశాల సిబ్బంది, విద్యార్థినులు పాల్గొన్నారు.