చౌటుప్పల్‌లోని నారాయణ హై స్కూల్‌లో నర్సరీ, ఎల్‌కేజీ, యూకేజీ విద్యార్థుల కోసం స్టూడెంట్ లీడ్ ప్రోగ్రామ్ శనివారం నిర్వహించారు. ముఖ్య అతిథులుగా ఏజీఎం శ్రీనివాస్ రెడ్డి, ఆర్, డీ హెడ్ సంగీత హాజరై కార్యక్రమాన్ని ప్రారంభించారు.ఈ సందర్భంగా వారు మాట్లాడుతూ చిన్నారులు యాక్టివిటీ బేస్డ్ మోడల్‌లో నేర్చుకున్న విద్యను సైన్స్ ఫేర్ రూపంలో ప్రదర్శించడం ఎంతో అభినందనీయమని అన్నారు. విద్యార్థుల్లో దాగి ఉన్న సృజనాత్మకత, మేధాశక్తిని వెలికితీయడమే స్టూడెంట్ లీడ్ ప్రోగ్రామ్ ముఖ్య ఉద్దేశమని తెలిపారు. ఈ కార్యక్రమంలో చిన్నారులు వివిధ విద్యా ప్రాజెక్టులు, సైన్స్ మోడల్స్‌ను ప్రదర్శించి తల్లిదండ్రులను ఆకట్టుకున్నారు. ఈ కార్యక్రమంలో పాఠశాల ప్రిన్సిపాల్ నవనీత, వైస్ ప్రిన్సిపాల్ మాధవి, ఏవో వెంకటేష్, విద్యార్థుల తల్లిదండ్రులు పాల్గొన్నారు.