సంగారెడ్డి జిల్లా స్థానిక ప్రతినిధి:జహీరాబాద్ పట్టణంలోని మహిళా కాంగ్రెస్ కార్యాలయంలో నిరుపేద యువతి వివాహానికి ఆర్థిక సహాయం అందజేశారు. ఈ కార్యక్రమంలో జహీరాబాద్ నియోజకవర్గ మహిళా కాంగ్రెస్ అధ్యక్షురాలు అస్మా పాల్గొని కుటుంబ సభ్యులకు ఆర్థిక సహాయాన్ని అందజేశారు. పేద కుటుంబాలపై వివాహ ఖర్చుల భారం తగ్గించడమే ఈ సహాయం ప్రధాన ఉద్దేశమని తెలిపారు.ఈ సందర్భంగా అస్మా మాట్లాడుతూ.. మహిళలను అన్ని రంగాల్లో ముందుకు తీసుకువచ్చే దిశగా మహిళా కాంగ్రెస్ నిరంతరం కృషి చేస్తోందని అన్నారు. మహిళల సాధికారత, అమ్మాయిల సంక్షేమమే తమ ప్రాధాన్యత అని స్పష్టం చేశారు. ఆర్థిక ఇబ్బందుల కారణంగా ఎలాంటి కుటుంబం కూడా వెనుకబడకూడదనే ఆలోచనతోనే ఇటువంటి సహాయ కార్యక్రమాలు చేపడుతున్నట్లు తెలిపారు.

భవిష్యత్తులో కూడా అవసరమైన కుటుంబాలకు అండగా నిలుస్తూ, మహిళలు ఆత్మవిశ్వాసంతో జీవితంలో ముందుకు సాగేలా మహిళా కాంగ్రెస్ పని చేస్తుందని చెప్పారు. ఈ కార్యక్రమంలో మహిళా కాంగ్రెస్ నాయకులు, కార్యకర్తలు మరియు స్థానికులు పాల్గొన్నారు.