నల్గొండ జిల్లా నకిరేకల్ పట్టణంలో హోలీ వేడుకలు ఘనంగా నిర్వహించారు. రంగుల పండుగ సందర్భంగా పట్టణం నిండా ఆనందోత్సాహాలు వెల్లివిరిశాయి. చిన్నారుల నుంచి పెద్దల వరకు ఉత్సాహంగా పాల్గొని పరస్పరం రంగులు చల్లి హర్షాతిరేకాలు వ్యక్తం చేశారు.ఈ కార్యక్రమంలో నకిరేకల్ ఎమ్మెల్యే వేముల వీరేశం ముఖ్య అతిథిగా పాల్గొన్నారు. ఈ సందర్భంగా ఆయనప్రజలకుహోలీశుభాకాంక్షలుతెలియజేశారు. నియోజకవర్గ పరిధిలోని ప్రతి కుటుంబం సుఖసంతోషాలతో, ఐశ్వర్యంతో ఉండాలని ఆకాంక్షించారు. అందరి జీవితాలు రంగుల మయంగా మారాలని కోరుకున్నారు.స్థానిక ప్రజలు, పార్టీ కార్యకర్తలు పెద్ద ఎత్తున హాజరై వేడుకలను విజయవంతం చేశారు. సంగీతం, నృత్యాలతో పట్టణం ఉత్సవ వాతావరణంలో మునిగిపోయింది. హోలీ పండుగ సామరస్యానికి, సోదరభావానికి ప్రతీకగా నిలవాలని పలువురు ఆకాంక్షించారు.