మహనీయుల వేషధారణలో విద్యార్థినిలు ఆకట్టింపు

అంతర్జాతీయ మహిళా దినోత్సవాన్ని పురస్కరించుకొని నాగార్జున స్కూల్లో శనివారం ఘనంగా వేడుకలు నిర్వహించారు. ఈ సందర్భంగా విద్యార్థినిలు సమాజానికి ఆదర్శంగా నిలిచిన ప్రముఖ మహిళామణుల వేషధారణలో పాల్గొని అందరినీ ఆకట్టుకున్నారు.

ఈ కార్యక్రమంలో స్కూల్ కరస్పాండెంట్ డాక్టర్ నాగరాజు మాట్లాడుతూ మహిళలు అన్ని రంగాల్లో ముందంజలో నిలుస్తూ తమ ప్రతిభను చాటుకుంటున్నారని తెలిపారు. విద్యార్థినిలు ఉన్నత విద్య సాధించి సమాజ అభివృద్ధికి దోహదపడాలని సూచించారు.

స్కూల్ ప్రిన్సిపాల్ శ్రీమతి రేఖ మాట్లాడుతూ ఈ ఏడాది మహిళా దినోత్సవ థీమ్ “గివ్ టు గైన్” అని పేర్కొన్నారు. మహిళలకు ఇచ్చే గౌరవం, అవకాశాలు సమాజ అభివృద్ధికి దోహదం చేస్తాయని చెప్పారు. మహిళలు అన్ని రంగాల్లో తమ ప్రాతినిధ్యాన్ని మరింతగా పెంచాలని ఆకాంక్షించారు.

ఈ సందర్భంగా మహిళా ఉపాధ్యాయులను శాలువాలతో సత్కరించారు. కార్యక్రమంలో స్కూల్ సిబ్బంది సంధ్య, స్వప్న, విజయశ్రీ, లత, నరసింహ, వినిష తదితరులు పాల్గొన్నారు.