మాజీ మంత్రి, స్థానిక శాసనసభ్యులు గుంటకండ్ల జగదీష్ రెడ్డి

సూర్యాపేట జిల్లా స్థానికం ప్రతినిధి బిక్షం

సూర్యాపేట జిల్లా కేంద్రంలోని బీఆర్‌ఎస్ పార్టీ జిల్లా కార్యాలయంలో మున్సిపల్ ఎన్నికల సన్నాహక సమావేశం ఘనంగా నిర్వహించారు. ఈ సమావేశానికి ముఖ్య అతిథిగా హాజరైన పార్టీ నాయకులు బీఆర్‌ఎస్ శ్రేణులకు ఎన్నికల వ్యూహాలపై దిశానిర్దేశం చేశారు.

ఈ సందర్భంగా వారు మాట్లాడుత.

రాబోయే మున్సిపల్ ఎన్నికలను ప్రతిష్టాత్మకంగా తీసుకొని, ప్రతి వార్డులో పార్టీని మరింత బలోపేతం చేయాలని సూచించారు. గతంలో బీఆర్‌ఎస్ ప్రభుత్వం అమలు చేసిన సంక్షేమ, అభివృద్ధి కార్యక్రమాలను ప్రజల్లోకి విస్తృతంగా తీసుకెళ్లాలని, బూత్ స్థాయి నుంచి కార్యకర్తలు చురుకుగా పనిచేయాలని పిలుపునిచ్చారు.

ప్రజా సమస్యల పరిష్కారంలో ముందుండి, స్థానిక సంస్థల ఎన్నికల్లో మరోసారి బీఆర్‌ఎస్ సత్తా చాటేలా సమన్వయంతో పని చేయాలని సూచించారు. పార్టీ శ్రేణులు క్రమశిక్షణతో, ఐక్యతతో ముందుకు సాగితే మున్సిపల్ ఎన్నికల్లో విజయాన్ని సాధించవచ్చని ధీమా వ్యక్తం చేశారు.

ఈ సమావేశంలో బీఆర్‌ఎస్ జిల్లా, పట్టణ నాయకులు, మున్సిపల్ ప్రజాప్రతినిధులు, పార్టీ కార్యకర్తలు పెద్ద సంఖ్యలో పాల్గొన్నారు.