మునగాల మండల వ్యాప్తంగా గత రెండు రోజులుగా చలి తీవ్రత క్రమంగా పెరుగుతోంది. దీంతో సోమవారం ఉదయం నుంచి చల్లని గాలులు వీస్తుండటంతో మండల ప్రజలు తీవ్ర ఇబ్బందులు ఎదుర్కొన్నారు. ముఖ్యంగా ఉదయం వేళల్లో చలి ప్రభావం ఎక్కువగా ఉండటంతో ప్రజలు ఇళ్ల నుంచి బయటకు వచ్చేందుకు ఇబ్బంది పడ్డారు.చలి తీవ్రత కారణంగా రహదారులపై జనసంచారం కొంత తగ్గినట్లు కనిపించింది. వృద్ధులు, చిన్నపిల్లలు చలి నుంచి రక్షణ పొందేందుకు వెచ్చని దుస్తులు ధరించారు. పలువురు ఉదయం వేళల్లో చలి నుంచి ఉపశమనం పొందేందుకు మంటలు వేసుకుని వెచ్చదనం పొందారు.గత రెండు రోజులుగా వాతావరణంలో చోటుచేసుకుంటున్న మార్పులతో చలి తీవ్రత పెరుగుతోందని ప్రజలు చెబుతున్నారు.రానున్న రోజుల్లో చలి మరింత పెరిగే అవకాశం ఉందన్న ఆందోళనతో ప్రజలు అప్రమత్తంగా ఉండాలని భావిస్తున్నారు.ముఖ్యంగా వృద్ధులు, చిన్నపిల్లలు చలి బారిన పడకుండా తగిన జాగ్రత్తలు తీసుకోవాలని సూచిస్తున్నారు.