వెలిమినేడు: మోకాలి శస్త్రచికిత్స చేయించుకుని ఇంటివద్ద విశ్రాంతి తీసుకుంటున్న వెలిమినేడు గ్రామానికి చెందిన కాంగ్రెస్‌ పార్టీ 12వ వార్డు సభ్యుడు చింతకింది వెంకటేష్‌ను కాంగ్రెస్‌ పార్టీ నాయకులు పరామర్శించారు. సోమవారం వెలిమినేడు కాంగ్రెస్‌ పార్టీ అధ్యక్షుడు అంశల సత్యనారాయణ, ప్రధాన కార్యదర్శి కర్దూరి అంజిరెడ్డి, కార్యదర్శి కార్యదర్శి వీరమల్ల కిరణ్ గౌడ్, రజక, కార్యవర్గ సభ్యుడు అంశల శ్రవణ్‌కుమార్‌ తదితరులు వెంకటేష్‌ ఇంటికి వెళ్లి ఆరోగ్య పరిస్థితిని అడిగి తెలుసుకున్నారు. ఆయన త్వరగా కోలుకుని ప్రజాసేవలో చురుగ్గా పాల్గొనాలని ఆకాంక్షించారు. అనంతరం కుటుంబ సభ్యులతో మాట్లాడి ధైర్యం చెప్పారు.