ప్రపంచ మత్స్యకార దినోత్సవాన్ని పురస్కరించుకుని శనివారం మునగాల గ్రామ మత్స్య సహకార సంఘం ఆధ్వర్యంలో వేడుకలు ఘనంగా నిర్వహించారు. సంఘం అధ్యక్షుడు పిట్టల శ్రీనివాస్ నేతృత్వంలో మత్స్యకారులు జెండా ఆవిష్కరించి, అనంతరం స్వీట్లు పంపిణీ చేసుకుంటూ ఒకరికొకరు శుభాకాంక్షలు తెలిపారు.
ఈ సందర్భంగా పిట్టల శ్రీనివాస్ మాట్లాడుతూ.. ఎన్నో సవాళ్లను, ప్రకృతి వైపరీత్యాలను ఎదుర్కొంటూ జీవనోపాధి సాగిస్తున్న మత్స్యకారుల సంక్షేమానికి కేంద్ర, రాష్ట్ర ప్రభుత్వాలు ప్రత్యేక చర్యలు తీసుకోవాలని కోరారు. మత్స్యకారులు ఐకమత్యంతో ఉంటూ తమ హక్కుల సాధనకు కృషి చేయాలని పిలుపునిచ్చారు.
ఈ కార్యక్రమంలో మత్స్య సహకార సంఘం ఉపాధ్యక్షుడు కంటు శ్రీను, సంఘం సభ్యులు, మత్స్యకారులు తదితరులు పాల్గొన్నారు.
పాఠకుల అభిప్రాయాలు
ఇప్పటివరకు ఎలాంటి కామెంట్స్ పోస్ట్ చేయలేదు.
కామెంట్ను పోస్ట్ చేయండి