వెలిమినేడు స్థానికం ప్రతినిధి

గ్రామాల్లోని యువతను అన్ని రంగాల్లో ప్రోత్సహించడమే లక్ష్యంగా 5వ వార్డు మెంబర్ జినకల నాగమణి - జంగయ్య దంపతులు ముందడుగు వేశారు.

నల్లగొండ జిల్లా చిట్యాల మండలం వెలిమినేడు గ్రామంలోని ఐదో వార్డ్ పరిధిలోని యువతకు క్రీడా సామాగ్రిని పంపిణీ చేసే కార్యక్రమం ఘనంగా నిర్వహించారు.

ప్రజాప్రతినిధుల చేతుల మీదుగా పంపిణీ

ఈ కార్యక్రమానికి గ్రామ సర్పంచ్ బొంతల చంద్రారెడ్డి, ఉప సర్పంచ్ అంతటి స్వప్న సత్తయ్య ముఖ్య అతిథులుగా హాజరయ్యారు. వార్డు మెంబర్ జినకల నాగమణి జంగయ్య సమకూర్చిన క్రీడా కిట్లను యువతకు వారు స్వయంగా అందజేశారు.

ముఖ్య అతిథుల ప్రసంగం:

ఈ సందర్భంగా సర్పంచ్ మరియు ఉప సర్పంచ్‌లు మాట్లాడుతూ.. యువత క్రీడల్లో రాణించడం వల్ల శారీరక దృఢత్వంతో పాటు మానసిక ఉల్లాసం లభిస్తుందని తెలిపారు. వార్డు సభ్యులు జంగయ్య తన వార్డులోని యువతపై ప్రత్యేక శ్రద్ధ చూపిస్తూ, వారికి కావాల్సిన సహకారాన్ని అందించడం అభినందనీయమని కొనియాడారు.

జినకల జంగయ్య మాట్లాడుతూ, "యువత చెడు మార్గాల వైపు వెళ్లకుండా క్రీడల్లో రాణించేలా ప్రోత్సహించడమే మా ఉద్దేశం. భవిష్యత్తులో కూడా క్రీడాకారులకు అన్ని రకాలుగా సహాయ సహకారాలు అందిస్తాం" అని హామీ ఇచ్చారు.