నారాయణఖేడ్ పట్టణంలోని ప్రాంతీయ ప్రభుత్వ ఆసుపత్రిలో అంతర్జాతీయ మహిళా దినోత్సవాన్ని ఘనంగా నిర్వహించారు.ఈ సందర్భంగా నారాయణఖేడ్ శాసనసభ్యులు డాక్టర్ పట్లోళ్ల సంజీవరెడ్డి,నారాయణఖేడ్ ఉప కలెక్టర్ ఉమ హారతి కలిసి కార్యక్రమంలో పాల్గొన్నారు.ఆసుపత్రిలో విధులు నిర్వహిస్తున్న మహిళా సిబ్బందిని ప్రత్యేకంగా సన్మానించి వారి సేవలను అభినందించారు. సమాజ అభివృద్ధిలో మహిళల పాత్ర ఎంతో ముఖ్యమని పేర్కొంటూ, మహిళలు అన్ని రంగాల్లో ముందుకు సాగాలని ఆకాంక్షించారు. మహిళల సాధికారత కోసం ప్రభుత్వం అమలు చేస్తున్న సంక్షేమ కార్యక్రమాల గురించి కూడా వివరించారు.ఆసుపత్రిలో ప్రజలకు సేవలందిస్తున్న మహిళా సిబ్బంది చేస్తున్న కృషిని ప్రశంసిస్తూ, వారి సేవాభావం సమాజానికి ఆదర్శమని అన్నారు.ఈ కార్యక్రమంలో వైద్యులు, ఆసుపత్రి సిబ్బంది, మహిళలు పెద్ద సంఖ్యలో పాల్గొన్నారు.