నేలపట్ల గ్రామంలో అంతర్జాతీయ మహిళా దినోత్సవాన్ని ఘనంగా నిర్వహించారు. ముఖ్యఅతిథిగా నేలపట్ల గ్రామ సర్పంచ్ గంగాపురం వసంత నగేష్ గౌడ్ పాల్గొని మాట్లాడుతూ ముందుగా గ్రామంలోని మహిళలందరికీ అంతర్జాతీయ మహిళా దినోత్సవ శుభాకాంక్షలు తెలిపారు.ప్రతి మహిళ ఆర్థికంగా బలపడాలని, సమాజంలో గౌరవంగా జీవించాలని ఆకాంక్షించారు. మహిళలందరి ముఖాల్లో ఎప్పుడూ చిరునవ్వు ఉండాలని కోరుకుంటూ, అన్ని రంగాల్లో మహిళలు సాధికారత సాధిస్తూ ఎన్నో సవాళ్లను ఎదుర్కొంటూ తమ ప్రజ్ఞాపాటవాలను ప్రదర్శిస్తూ ముందుకు సాగుతున్నారని పేర్కొన్నారు. మహిళల అభివృద్ధి కోసం, మహిళా సాధికారత కోసం మనమందరం అహర్నిశలు కృషి చేయాలని సూచించారు.ఈ కార్యక్రమంలో నేలపట్ల గ్రామ మహిళామణులు పెద్ద సంఖ్యలో పాల్గొన్నారు.