సూర్యాపేట జిల్లా ఎస్పీ కె. నరసింహ, ఐపీఎస్ ఆదేశాల మేరకు, అదనపు ఎస్పీ రవీందర్ రెడ్డి సూచనలతో, కోదాడ డీఎస్పీ శ్రీనివాస రెడ్డి ఆధ్వర్యంలో హుజూర్‌నగర్ ప్రభుత్వ జూనియర్ కళాశాలలో బుధవారం షీ టీమ్ బృందం అవగాహన కార్యక్రమం నిర్వహించింది.

ఈ సందర్భంగా షీ టీమ్ ఎస్‌ఐ మల్లేష్ విద్యార్థులకు మహిళల భద్రత, సైబర్ నేరాలు, బెట్టింగ్ మరియు ఆన్‌లైన్ గేమింగ్ యాప్‌ల ప్రమాదాలు, లోన్ యాప్‌లు, మాదకద్రవ్యాల దుష్ప్రభావాలు, రోడ్డు భద్రత తదితర అంశాలపై అవగాహన కల్పించారు. మహిళలను వేధించడం, అసభ్యకర సందేశాలు పంపడం వంటి చర్యలకు పాల్పడితే చట్టపరమైన చర్యలు తప్పవని హెచ్చరించారు. అత్యవసర పరిస్థితుల్లో 100 డయల్ చేయాలని సూచించారు.ఈ కార్యక్రమంలో కళాశాల ప్రిన్సిపాల్ గీతాభాయ్, షీ టీమ్ మహిళా కానిస్టేబుళ్లు సాయి జ్యోతి, సౌజన్య, కళాశాల సిబ్బంది, విద్యార్థులు పాల్గొన్నారు.