రామన్నపేటలో మహమ్మద్ జమీరుద్దిన్ పుట్టినరోజు వేడుకలు

రామన్నపేట స్థానికం ప్రతినిధి

తెలంగాణ రాష్ట్ర కాంగ్రెస్ పార్టీ మైనార్టీ సెల్ ఉపాధ్యక్షుడు, రామన్నపేట పట్టణ కాంగ్రెస్ అధ్యక్షుడు, సీనియర్ నాయకుడు మహమ్మద్ జమీరుద్దిన్ పుట్టినరోజు సందర్భంగా ఆయన నకిరేకల్ ఎమ్మెల్యే వేముల వీరేశాన్ని మర్యాదపూర్వకంగా కలిశారు. ఈ సందర్భంగా ఎమ్మెల్యే జమీరుద్దిన్‌ను శాలువాతో సత్కరించి పుట్టినరోజు శుభాకాంక్షలు తెలిపారు. అనంతరం రామన్నపేటలోని సుభాష్ సెంటర్‌లో కేక్ కట్ చేసి వేడుకలను నిర్వహించారు.

ఈ కార్యక్రమంలో రామన్నపేట మేజర్ గ్రామపంచాయతీ సర్పంచ్ గరిక సత్యనారాయణ, ఉపసర్పంచ్ మోటే రమేష్, పలువురు వార్డు సభ్యులు, మండల స్థాయి సీనియర్ నాయకులు పాల్గొన్నారు. జినుకల ప్రభాకర్, సాల్వేర్ అశోక్, గోదాసు శ్రీమన్నారాయణ, వనం చంద్రశేఖర్, జెల్ల వెంకటేశం, ఎండీ అక్రమ్, కోట సుధాకర్, బొడ్డు సురేందర్, లెంకల ప్రవీణ్, రాపోలు ఉపేందర్, శేఖర్, ఉపేందర్, పల్లపు రవి, బుర్రి రవి, ఉదయ్, జానీ, అజర్, శంకర్, రవీందర్ తదితరులు హాజరై జమీరుద్దిన్‌కు శుభాకాంక్షలు తెలియజేశారు. పార్టీ బలోపేతానికి ఆయన చేస్తున్న కృషిని ఈ సందర్భంగా నేతలు ప్రశంసించారు.