మానూర్ ఎస్ఐని కలిసిన బోరంచ సర్పంచ్, గ్రామస్తులు

మానూర్ స్థానికం ప్రతినిధి

బోరంచ గ్రామానికి నూతనంగా ఎన్నికైన సర్పంచ్ పంచగామ బీరప్ప గురువారం మానూర్ పోలీస్ స్టేషన్‌ను సందర్శించి ఎస్ఐ కోటేశ్వరరావును మర్యాదపూర్వకంగా కలిశారు. ఈ సందర్భంగా ఎస్ఐ నూతన సర్పంచ్‌తో పాటు పాలకవర్గానికి శుభాకాంక్షలు తెలియజేశారు.

అనంతరం ఎస్ఐ కోటేశ్వరరావు మాట్లాడుతూ… గ్రామ ప్రజలను ఒకే కుటుంబంగా భావిస్తూ సమన్వయంతో ముందుకు సాగాలని సూచించారు. గ్రామాభివృద్ధే లక్ష్యంగా పనిచేయాలని, శాంతిభద్రతల పరిరక్షణకు గ్రామాల్లో సీసీ కెమెరాల ఏర్పాటు అవసరమని తెలిపారు. ప్రజల భాగస్వామ్యంతో అభివృద్ధి సాధిస్తే గ్రామానికి మంచి పేరు వస్తుందని అన్నారు.

ఈ కార్యక్రమంలో గ్రామ వార్డు సభ్యుడు బాలకృష్ణ, గ్రామ కాంగ్రెస్ సీనియర్ నాయకులు, కార్యకర్తలు, పార్టీ శ్రేణులు, అభిమానులు తదితరులు పాల్గొన్నారు.