కోదాడలో నూతనంగా ఏర్పాటు చేసిన 37వ బ్రాంచ్ చెన్నై షాపింగ్ మాల్‌ను శనివారం కోదాడ ఎమ్మెల్యే పద్మావతి రెడ్డి ప్రారంభించారు. ఈ సందర్భంగా ఎమ్మెల్యే మాట్లాడుతూ.. చెన్నై షాపింగ్ మాల్ యాజమాన్యం వ్యాపార రంగంలో మరింత అభివృద్ధి సాధిస్తూ అంచెలంచెలుగా ఎదగాలని ఆకాంక్షించారు. దసరా, దీపావళి పండుగల సందర్భంగా ప్రజలు షాపింగ్ మాల్‌లో అందుబాటులో ఉన్న అవకాశాలను సద్వినియోగం చేసుకోవాలని కోరారు. అనంతరం సేల్స్ కౌంటర్‌ను ఎమ్మెల్యే పద్మావతి రెడ్డి ప్రారంభించగా, తొలి కొనుగోలును కౌన్సిలర్ కొల్లా కోటిరెడ్డి చేశారు.ప్రారంభోత్సవం సందర్భంగా వేద పండితులు మంత్రోచ్ఛరణల మధ్య ఎమ్మెల్యే పద్మావతి రెడ్డిని ఆశీర్వదించారు. అనంతరం చెన్నై షాపింగ్ మాల్ నిర్వాహకులు ఎమ్మెల్యేను శాలువాతో సత్కరించి సన్మానించారు.ఈ కార్యక్రమంలో పీసీసీ డెలిగేట్ చింతకుంట్ల లక్ష్మీనారాయణ రెడ్డి, జిల్లా గ్రంథాలయ సంస్థ చైర్మన్ వంగవీటి రామారావు, మున్సిపల్ చైర్మన్ ఎర్నేని కుసుమ బాబు, వైస్ చైర్మన్ మల్లీశ్వరి , మున్సిపల్ కమిషనర్ రమాదేవి తదితరులు పాల్గొన్నారు.