​‘సర్‌’ ప్రక్రియను నిలిపివేయాలి

తొలగించిన ఓట్లను పునరుద్ధరించాలి: సీపీఎం జిల్లా కమిటీ సభ్యుడు ఎం.డీ. పాషా

కేంద్ర ప్రధాన ఎన్నికల కమిషనర్ జ్ఞానేశ్ కుమార్‌ను ఆ పదవి నుంచి కేంద్ర ప్రభుత్వం వెంటనే తొలగించాలని సీపీఎం యాదాద్రి భువనగిరి జిల్లా కమిటీ సభ్యుడు ఎం.డీ. పాషా డిమాండ్ చేశారు. శనివారం చౌటుప్పల్‌లో నిర్వహించిన సీపీఎం మున్సిపల్ కమిటీ సమావేశంలో ఆయన మాట్లాడారు. ​ప్రస్తుతం కొనసాగుతున్న ఓటర్ల జాబితా ప్రత్యేక సమగ్ర సవరణ (సర్‌) ప్రక్రియను తక్షణమే నిలిపివేయాలని డిమాండ్ చేశారు. ఈ ప్రక్రియ పేరుతో అన్యాయంగా జాబితా నుంచి తొలగించిన అర్హులైన ప్రతి ఒక్కరి ఓటు హక్కును వెంటనే పునరుద్ధరించాలని కోరారు. ఓటు హక్కు అనేది రాజ్యాంగం పౌరులకు ప్రసాదించిన ప్రాథమిక హక్కని, అర్హులైన ఏ ఒక్క ఓటరు పేరు కూడా తొలగించకుండా ఎన్నికల సంఘం పారదర్శకంగా చర్యలు తీసుకోవాలని స్పష్టం చేశారు.​ఈ సమావేశంలో సీపీఎం చౌటుప్పల్ మున్సిపల్ కార్యదర్శి గోషిక కరుణాకర్, నాయకులు ఉష్కాగుల శ్రీనివాస్, బత్తుల దాసు, ఆకుల ధర్మయ్య, బొడ్డు అంజిరెడ్డి, సప్పిడి శ్రీనివాస్ రెడ్డి, తోర్పునూరి మల్లేష్, ఆర్టీవో పాషా, బొడ్డు రాజు, భావనలపల్లి స్వామి, ఎం.డీ. ఖయ్యూం, బొమ్మకంటి కృష్ణ తదితరులు పాల్గొన్నారు.