రామన్నపేట స్థానికం ప్రతినిధి

యాదాద్రి భువనగిరి జిల్లా రామన్నపేట మండలంలో శుక్రవారం దట్టమైన పొగ మంచు జనజీవనాన్ని అస్తవ్యస్తం చేసింది. ఎదురుగా నిలబడ్డ మనిషి కూడా కనిపించని స్థాయిలో మంచు కమ్ముకోవడంతో వాహనదారులు తీవ్ర ఇబ్బందులు ఎదుర్కొన్నారు. ముఖ్యంగా రాత్రి 9 గంటల నుంచి ఉదయం 10 గంటల వరకు పొగ మంచు ప్రభావం కొనసాగింది.ఈ క్రమంలో నిర్నెముల గ్రామ సమీపంలో లక్ష్మాపురం నుంచి రామన్నపేట వైపు వస్తున్న ఓ కారు దారి కనిపించక కుడివైపు పొలంలోకి దూసుకెళ్లింది. ప్రమాదంలో ఎవరికి ఎలాంటి ప్రాణ నష్టంజరగకపోవడంతోఅంతాఊపిరిపించుకున్నారు. సమాచారం అందుకున్న స్థానికులు వెంటనే స్పందించి ట్రాక్టర్ సహాయంతో పొలంలో చిక్కుకున్న కారును సురక్షితంగా బయటకు తీశారు.పొగ మంచు ప్రభావంతో వృద్ధులు, చిన్నపిల్లలు, ప్రయాణికులు తీవ్ర అసౌకర్యానికి లోనయ్యారు. ఇంకా రెండు మూడు రోజులు ఇదే పరిస్థితి కొనసాగుతుందని వాతావరణ శాఖ హెచ్చరించడంతో ప్రజలు అప్రమత్తంగా ఉండాలని, ముఖ్యంగా ఉదయం, రాత్రి వేళల్లో అవసరమైతేనే ప్రయాణాలు చేయాలని స్థానిక వైద్యులు సూచించారు