స్థానికం ప్రధాన ప్రతినిధి కొండ మల్లేశం గౌడ్

యాదాద్రి భువనగిరి జిల్లా ఫోటో అండ్ వీడియో గ్రాఫర్ సంక్షేమ సంఘం ఆధ్వర్యంలో జిల్లా నూతన క్యాలెండర్ ఆవిష్కరణ కార్యక్రమం సోమవారం రామన్నపేట మండల కేంద్రంలో ఘనంగా జరిగింది. ఫోటో, వీడియో గ్రాఫర్ల ఐక్యతకు ప్రతీకగా నిలిచేలా ఈ కార్యక్రమం సాదాసీదాగా నిర్వహించారు.ఈ కార్యక్రమానికి రాష్ట్ర ఉపాధ్యక్షులు యమల అప్పల్ రెడ్డి హాజరై క్యాలెండర్‌ను ఆవిష్కరించారు. అనంతరం సంఘం కార్యకలాపాలు, భవిష్యత్కార్యాచరణపై మాట్లాడారు. జిల్లా అధ్యక్షులు భోగ చంద్రశేఖర్ మాట్లాడుతూ ఫోటో, వీడియో గ్రాఫర్ల సంక్షేమమే సంఘం ప్రధాన లక్ష్యమని తెలిపారు. జిల్లా ప్రధాన కార్యదర్శి హరి రెడ్డి, జిల్లా కోశాధికారి తునికి దశరథ సంఘం ఆర్థిక వ్యవస్థ, సభ్యుల సమస్యలపై తీసుకుంటున్న చర్యలను వివరించారు.

ఈ కార్యక్రమంలో జిల్లా గౌరవ అధ్యక్షులు బొమ్మగాని గణేష్, జిల్లా ప్రచార కార్యదర్శి భాషా మల్ల సంతోష్ కుమార్, మండల ప్రధాన కార్యదర్శి నామని అశోక్ బాబు, మండల కోశాధికారి కమల్ శెట్టి శ్రీకాంత్‌తో పాటు గోపగోని వెంకటరమణ, చెనగోని సైదులు తదితరులు పాల్గొని కార్యక్రమాన్ని విజయవంతం చేశారు.