ఖమ్మంలో నిర్వహించిన 32వ జాతీయ స్థాయి కరాటే ఛాంపియన్‌షిప్‌లో కోదాడకు చెందిన విద్యార్థులు అద్భుత ప్రతిభ కనబరిచారు.మొత్తం 15 పతకాలను సాధించి విజయకేతనం ఎగురవేశారు. సుమన్ షోటోకాన్ స్పోర్ట్స్ కరాటే-డో అకాడమీ ఇండియా ఆధ్వర్యంలో జరిగిన ఈ పోటీల్లో కోదాడ విద్యార్థులు 9 బంగారు, 5 వెండి, ఒక కాంస్య పతకాన్ని సొంతం చేసుకున్నారు.ఈ విషయాన్ని కరాటే మాస్టర్ కొండపల్లి క్రాంతికుమార్ సోమవారం వెల్లడించారు.

ఈ సందర్భంగా ఆయన మాట్లాడుతూ.. కరాటే కేవలం క్రీడ మాత్రమే కాదని, ఆత్మరక్షణకు ఎంతగానో ఉపయోగపడుతుందని తెలిపారు. కరాటే సాధన ద్వారా విద్యార్థుల్లో క్రమశిక్షణ, ఆత్మవిశ్వాసం, పట్టుదల పెంపొందుతాయని పేర్కొన్నారు.