ఇందిరా మహిళా శక్తి సంఘం అక్కాచెల్లెళ్లకు చీరల పంపిణీ

రామన్నపేట స్థానికం ప్రతినిధి

గ్రామంలో మహిళా సాధికారతే లక్ష్యంగా ఇందిరా మహిళా శక్తి మహిళా స్వయం సహాయక సంఘం సభ్యులకు చీరల పంపిణీ కార్యక్రమాన్ని నిర్వహించారు. ఈ కార్యక్రమంలో గ్రామ సర్పంచ్ కందిమల్ల గోపాల్ రెడ్డి, ఉపసర్పంచ్ ఆవుల శ్రీశైలం, వి.బి.కె. ముత్యాల రాణి పాల్గొని అక్కాచెల్లెళ్లకు చీరలను పంపిణీ చేశారు.

ఈ సందర్భంగా మహిళా స్వయం సహాయక సంఘాలు ఆర్థికంగా, సామాజికంగా బలోపేతం కావడమే ప్రభుత్వ విధానమని, గ్రామాభివృద్ధిలో మహిళల పాత్ర కీలకమని నాయకులు పేర్కొన్నారు. ఇలాంటి కార్యక్రమాలు మహిళల్లో ఆత్మవిశ్వాసాన్ని పెంచడంతో పాటు సంఘటిత శక్తిగా ఎదగడానికి దోహదపడతాయని అన్నారు.

ఈ కార్యక్రమంలో వార్డు సభ్యులు పేరుమాండ్ల నవీన్ కుమార్, ఆవుల నరసింహ, చల్ల సత్యప్రకాశ్, నోముల ప్రవీణ్, నోముల విష్ణు, నోముల కృష్ణ, చిప్పలపల్లి రామచంద్రం తదితరులు పాల్గొన్నారు. చీరల పంపిణీతో మహిళా సంఘాల సభ్యుల్లో ఆనందం వెల్లివిరిసింది.