చిట్యాల: వేంబావి గ్రామంలో VB RAMG పథకం కింద చేపడుతున్న అభివృద్ధి పనులను ఎంపీడీఓ జెల్లా పాండు బుధవారం క్షేత్రస్థాయిలో పరిశీలించారు. టెక్నికల్ అసిస్టెంట్ ఝాన్సీతో కలిసి గ్రామంలో నిర్మిస్తున్న ఇంకుడు గుంతల పనుల పురోగతిని పరిశీలించి, సిబ్బందికి పలు సూచనలు చేశారు. భూగర్భ జలాల పెంపునకు ఇంకుడు గుంతలు ఎంతో ఉపయోగకరమని, వాటి ప్రాధాన్యంపై ప్రజలకు అవగాహన కల్పించాలని సూచించారు. అనంతరం గ్రామ నర్సరీని సందర్శించి మొక్కల పెంపకం, సంరక్షణ చర్యలను పరిశీలించారు.

కార్యక్రమంలో సర్పంచ్ అలివేలు–వెంకన్న, ఉపసర్పంచ్ నక్క శివ, పంచాయతీ కార్యదర్శి రహీమ్, పంచాయతీ, ఉపాధి హామీ సిబ్బంది, గ్రామస్తులు పాల్గొన్నారు.