సోమవారం కామదహనం – మంగళవారం ఉదయం వరకు హోలీ వేడుకలు

హోలీ పండుగ నిర్వహణకు సంబంధించిన తేదీలను బ్రాహ్మణ సేవా సంఘం సూర్యాపేట జిల్లా ప్రకటించింది.

మార్చి 2, 2026 సోమవారం రోజున కామదహనం నిర్వహించనున్నట్లు తెలిపింది. మార్చి 3, 2026 మంగళవారం ఉదయం 11 గంటల వరకు హోలీ పండుగ వేడుకలు జరుపుకోవచ్చని సూచించింది. భక్తులు శాస్త్రోక్త విధానాలను అనుసరించి కామదహనం కార్యక్రమాన్ని నిర్వహించి, మరుసటి రోజు రంగులతో హోలీ పండుగను ఆనందంగా జరుపుకోవాలని సంఘం కోరింది.

పండుగ సందర్భంగా శాంతి, సామరస్యాలను కాపాడుతూ పరస్పర గౌరవంతో వేడుకలు నిర్వహించాలని బ్రాహ్మణ సేవా సంఘం జిల్లా ప్రతినిధులు సూచించారు.