నారాయణఖేడ్ నియోజకవర్గంలోని నారాయణఖేడ్ మున్సిపాలిటీ పరిధిలో హోళీ పండుగ వేడుకలు ఘనంగా నిర్వహించబడ్డాయి. సోమవారం రాత్రి మున్సిపాలిటీ 9వ వార్డు పరిధిలో వార్డు సభ్యులు మరియు యువత యువకుల ఆధ్వర్యంలో సంప్రదాయబద్ధంగా కామదాహనం కార్యక్రమం జరిగింది. హిందూ సాంప్రదాయానికి ప్రతీకగా భావించే ఈ కామదాహనం కార్యక్రమంలో స్థానికులు పెద్ద సంఖ్యలో పాల్గొని ఉత్సాహంగా వేడుకలు జరుపుకున్నారు.ఈ కార్యక్రమానికి ముఖ్య అతిథిగా నారాయణఖేడ్ 9వ వార్డు కౌన్సిలర్ బణపూర్ రాజు హాజరై పాల్గొన్నారు. ఆయన మాట్లాడుతూ హోళీ పండుగ సామరస్యానికి, సోదరభావానికి ప్రతీక అని పేర్కొన్నారు.సమాజంలో ఐక్యత, స్నేహభావం పెంపొందించేందుకు ఇలాంటి పండుగలు ఎంతో ఉపయోగకరమని అన్నారు.కార్యక్రమం అనంతరం 9వ వార్డు సభ్యులు మరియు యువత యువకులు ప్రజలకు హోళీ పండుగ శుభాకాంక్షలు తెలియజేశారు. పండుగను శాంతి, సౌభ్రాతృత్వం, ఆనందాల మధ్య జరుపుకోవాలని కోరారు. కార్యక్రమం ఉత్సాహభరిత వాతావరణంలో ముగిసింది.