హైదరాబాద్ స్థానికం ప్రధాన ప్రత్యేకం

హయత్‌నగర్ ప్రభుత్వ డిగ్రీ కళాశాలలో సంక్రాంతి పండుగను పురస్కరించుకుని రంగోలి, మెహందీ, సంప్రదాయ దుస్తుల పోటీలను ఘనంగా నిర్వహించారు. కళాశాల సాంస్కృతిక విభాగం, మహిళా సాధికారత విభాగం, అంతర్గత ఫిర్యాదుల కమిటీ సంయుక్త ఆధ్వర్యంలో జరిగిన ఈ కార్యక్రమాల్లో విద్యార్థినీ విద్యార్థులు ఉత్సాహంగా పాల్గొన్నారు.

పోటీల్లో ప్రతిభ కనబర్చిన విద్యార్థులను కళాశాల ప్రిన్సిపల్ డా. పి. సురేష్ బాబు, అధ్యాపకులు, అధ్యాపకేతర సిబ్బంది అభినందించారు. కళాశాల ఆవరణలో పతంగుల పండుగను సైతం సందడి మధ్య నిర్వహించారు. ఇదే సందర్భంలో కళాశాల హిందీ విభాగం విశ్వ హిందీ దినోత్సవాన్ని జరుపుకోవడం విశేషం.