గోరంట్ల కూరగాయల సంత మార్కెట్‌లో రాత్రి వీచిన ఈదురుగాలులు బీభత్సం సృష్టించాయి. బలమైన గాలులకు ఒక పెద్ద వేపచెట్టు నేలకొరిగి పడిపోవడంతో సమీపంలోని విద్యుత్ స్థంభం దెబ్బతింది.

ఈ ఘటనతో సంత ప్రాంతంలో కొంతసేపు విద్యుత్ సరఫరా నిలిచిపోయి వ్యాపారులకు ఇబ్బందులు ఎదురయ్యాయి. అదృష్టవశాత్తూ ఎవరికి ప్రాణనష్టం జరగలేదు. సమాచారం అందుకున్న అధికారులు ఘటనాస్థలానికి చేరుకుని పరిశీలించి, చెట్టును తొలగించే పనులు చేపట్టారు. విద్యుత్ శాఖ సిబ్బంది సరఫరా పునరుద్ధరణకు చర్యలు తీసుకుంటున్నారు.